Founder Diary – Lesson #042
Business စလုပ်ခါစမှာ
အလုပ်များလာရင်
ပထမဆုံးဖြေရှင်းနည်းက လူထပ်ခန့်တာပါပဲ။
Customer များလာတယ် မနိုင်တော့ဘူးဆို
လူတစ်ယောက် ထပ်ခန့်တယ်။
စာရင်းမနိုင်တော့ဘူး။
နောက်တစ်ယောက် ထပ်ခန့်တယ်။
Marketing မနိုင်တော့ဘူး။
Marketing အတွက် လူထပ်ထားတယ်။
ဒီလိုနဲ့
ဝန်ထမ်းအရေအတွက် တဖြည်းဖြည်း များလာတယ်။
အရင်တုန်းကတော့
လူများလာတာကို Team ကြီးလာတာလို့
ကျွန်တော် ထင်ခဲ့ဖူးတယ်။
ဒါပေမယ့်
နောက်ပိုင်းမှာ သိလာတာက
နှစ်ခုက မတူဘူး။
လူ ၁၀ ယောက်ရှိပေမယ့်
ကိစ္စတိုင်း Founder ကို မေးနေရတယ်။
ဒါလုပ်လို့ရလား?
ဒီ Customer ကို ဘယ်လိုလုပ်ပေးရမလဲ?
ဒီလောက်သုံးလို့ရလား?
ဒီကိစ္စ ဘယ်လိုဆုံးဖြတ်မလဲ?ဆိုပြီး
အဖြေအားလုံး ကိုယ့်ဆီမှာပဲ ရှိနေရင်
ကိုယ့်မှာ Team ၁၀ ယောက်ရှိတာထက်
ကိုယ့်ဆီက Instruction စောင့်နေတဲ့
လူ ၁၀ ယောက်ရှိနေတာနဲ့ ပိုတူတယ်။
အဲဒီအချိန်မှာ ကျွန်တော် စဉ်းစားပုံ ပြောင်းလာတယ်။
ဝန်ထမ်းတစ်ယောက်ကို
အလုပ်တစ်ခု ဘယ်လိုလုပ်ရမလဲ?
သင်ပေးရုံနဲ့ မလုံလောက်ဘူး။
ဘာကြောင့် ဒီလိုလုပ်ရတာလဲ? ဆိုတာပါ
သိအောင်လုပ်ပေးဖို့ လိုတယ်။
ဘာကြောင့်လဲဆိုတော့
Process ကိုပဲ သိတဲ့လူက
မသင်ထားတဲ့ပြဿနာတစ်ခု တွေ့ရင်
ရပ်သွားတတ်တယ်။
Reason ကို နားလည်တဲ့လူကတော့
အခြေအနေအသစ်တစ်ခု ရောက်လာရင်တောင်
ကိုယ်တိုင် စဉ်းစားနိုင်တယ်။
ဥပမာ
Sales Staff ကို
Discount 5% အထိ ပေးလို့ရတယ်
ဆိုတဲ့ Rule တစ်ခုတည်း သင်ပေးထားရင်
Customer တိုင်းကို 5% လျှော့ပေးနေတာမျိုး
ဖြစ်နိုင်တယ်။
ဒါပေမယ့်
ဘာကြောင့် Discount ပေးတာလဲ?
Margin ဘယ်လောက်ရှိလဲ?
ဘယ် Customer ကို ပေးသင့်လဲ?
ဘယ်အခြေအနေမှာ မပေးသင့်ဘူးလဲ?
Customer ကို ဈေးလျှော့ပေးတာမဟုတ်ဘဲ
တခြား Value ဘာပေးလို့ရသေးလဲ?
ဆိုတာကို နားလည်အောင် သင်ပေးထားရင်
သူက Rule ကို လိုက်နာတဲ့သူ ကနေ
Business ကို စဉ်းစားတတ်တဲ့သူ ဖြစ်လာနိုင်တယ်။
နောက်တစ်ခုက
လူတစ်ယောက်ကို Responsibility ပေးထားပြီး
Decision လုပ်ခွင့် မပေးထားရင်လည်း
အလုပ်မဖြစ်ဘူး။
Result ကတော့ သူ့တာဝန်။
ဒါပေမယ့်
ဆုံးဖြတ်ချက်တိုင်း Founder ကို မေးရတယ်ဆိုရင်
Ownership ဖြစ်လာဖို့ ခက်တယ်။
ဒါကြောင့် နောက်ပိုင်းမှာ ကျွန်တော်
စဉ်းစားဖြစ်လာတာက
ဒီလူကို ဘာအလုပ်ပေးမလဲ?
ဆိုတာထက် ဒီလူကို ဘယ်အဆင့်အထိ ကိုယ်တိုင်
ဆုံးဖြတ်ခွင့် ပေးနိုင်မလဲ?ဆိုတာပါ။
အစမှာတော့ အမှားတွေ ရှိမှာပဲ။
ကိုယ်ဆုံးဖြတ်ရင် ၁၀ မိနစ်နဲ့ပြီးမယ့်အရာကို
သူ့ကိုသင်ပေးရင် တစ်နာရီကြာနိုင်တယ်။
တစ်ခါတလေ ကိုယ်ဝင်လုပ်လိုက်တာက ပိုမြန်တယ်။
ဒါပေမယ့်
အမြဲတမ်း ကိုယ်ပဲဝင်လုပ်နေရင်
နောက်တစ်နှစ်လည်း ကိုယ်ပဲ လုပ်နေရဦးမယ်။
ဒီနေ့ တစ်နာရီပေးပြီး သင်ထားလိုက်တာကတော့
နောက်ပိုင်းမှာ ကိုယ့်ရဲ့ နာရီပေါင်းများစွာကို
ပြန်သက်သာစေနိုင်တယ်။
Founder ရဲ့ Growth တစ်ခုတည်းနဲ့ Business ကို
အကြီးကြီး မတည်ဆောက်နိုင်ဘူး။
ကိုယ့်နောက်မှာရှိတဲ့ လူတွေပါ
တစ်ဆင့်ချင်း တိုးတက်လာဖို့လိုတယ်။
ကိုယ်တစ်ယောက်တည်း တော်လာတာက
Individual Growth ပဲ။
ကိုယ့်လူတွေပါ တော်လာပြီး
ကိုယ်မရှိလည်း ဆုံးဖြတ်နိုင်လာတာက
Organizational Growth ဖြစ်လာတယ်။
Founder တစ်ယောက်ရဲ့ အရည်အချင်းကို
သူတစ်ယောက်တည်း ဘယ်လောက်လုပ်နိုင်လဲဆိုတာနဲ့
မတိုင်းသင့်တော့ဘူး။
သူတည်ဆောက်ထားတဲ့လူတွေက သူမရှိတဲ့အချိန်မှာ ဘယ်လောက်လုပ်နိုင်လဲဆိုတာနဲ့ပါ တိုင်းရမယ်။
Tayza Ko Ko
(Dragon & Delta Business Enterprise)